Author:
Kəmalə Ağayeva, Turanxanım İskəndərova Kəmalə Ağayeva, Turanxanım İskəndərova,Afət Quliyeva, Vaqif Bağıyev Afət Quliyeva, Vaqif Bağıyev
Abstract
Müxtəlif tərkibli binar molibden-volfram oksid katalizatorları üzərində etanolun oksidləşməsi reaksiyaları tədqiq e
dilmişdir. Molibden-volfram oksid katalizatorları ammonium molibdat və ammonium volframatın sulu məhlullarından birgə çökdürmə üsulu ilə hazırlanmışdır. Tərəfimizdən aparılmış tədqiqatlar göstərmişdir ki, binar molibden-volfram oksid katalizatorları üzərində etanolun oksidləşməsi reaksiyalarının məhsulları asetaldehid, etilen, sirkə turşusu və karbon oksidləri hesab edilir. Müəyyən edilmişdir ki, reaksiya temperaturunun yüksəlməsi ilə tədqiq edilmiş katalizatorlar üzərində sirkə aldehidinin çıxımı maksimumdan keçir, eyni zamanda bütün tədqiq edilmiş temperatur intervalında etilenin çıxımı yüksəlir.
Həmçinin binar molibden-volfram oksid katalizatorlarının aktivliyinin onların tərkibindən asılılığı tədqiq edilmişdir. Göstərilmişdir ki, 300oC-yə qədər alçaq temperaturlarda asetaldehidin çıxımının molibdenin volframa atom nisbətindən asılılığı Mo-W=3-7 və Mo-W=7-3 nümunələrində iki maksimum ilə əyri şəklinə malikdir. Daha yüksək temperaturlarda katalizatorun tərkibində molibdenin miqdarının yüksəlməsi ilə etilenin çıxımı azalır, sirkə aldehidinin çıxımı isə yüksəlir.
Aparılmış təcrübələr əsasında bu nəticə alınmışdır ki, molibden ilə zəngin olan molibden-volfram oksid katalizatorları üzərində etanolun etilenə dehidratlaşması reaksiyası baş verir, eyni zamanda volframla zənginləşdirilmiş nümunələr etanolun sirkə aldehidinə oksidləşdirici dehidrogenləşməsi reaksiyalarında aktivdirlər.
Açar sözlər: etanolun oksidləşməsi, binar katalizatorlar, volfram oksidi, mmolibden oksidi, sirkə aldehidi, etilen.
Publisher
Education Support and Investment Fund NGO