Affiliation:
1. Orygen Parkville Victoria Australia
2. Melbourne School of Population and Global Health The University of Melbourne Melbourne Parkville Australia
3. Strehlow Research Centre Alice Springs Northern Territory Australia
4. Charles Darwin University Darwin Northern Territory Australia
5. Indigenous Studies Unit, Centre for Health Equity, The University of Melbourne Parkville Victoria Australia
6. Centre for Youth Mental Health, The University of Melbourne Parkville Victoria Australia
Abstract
AbstractArrurle‐nge‐ntyele researchers lhentere areye‐le intelhe‐ilepe‐ileme apmerrke areye‐akerte. Itne akaltye‐arle‐irreke apmerrke areye akwele urreme‐urreme‐irreme, utnenge alhwarrpe awelhemele. Kenhe alhentere nhenhe areye akaltye‐irretyakenhe iwenhenge‐arle apmerrke areye alakenhe anerlte‐aneme. Itne itelaretyakenhe nthakenhe‐arle arne ingkirreke urrperle‐areye‐kenhe‐le apmerrke areye atnerre ilirtnemere. Researchers itne akaltye‐irreke artwe apmerrke Central Australia‐arenye‐arle akwele health akurne anthurre‐ulkere, Australia arenye‐arrpenhe areye‐nge. Arrpenheme apeke clinic‐werne alheme, kenhe itne akenhe itelaretyakenhe iwenhe‐arle alhentere ngangkere‐le itneke ileme, health itnekenhe‐akerte, medications‐akerte‐arlke. Artwe atningke apeke itelaretyakenhe iwenhenge‐arle itne ilkelhetyakenhe uthene akangketyakenhe uthene. The kwenhe PhD project mpwarerle‐aneme apmerrke anwerneke‐akerte. Anwerne ahentye aneme apmerrke areye atyenpe‐irrirtnetyeke, atnerre anemele. Project nhenhe arne atyeperre anwerne‐kenhe areye‐akerte, angkentye, anpernirrentye, nthakenhe angkentye anwernekenhe intelhetyeke, anyenhenge, apmere‐kenhe arritnye ingkirreke, thipe‐kenhe arritnye, arne‐kenhe arritnye, atnunthe apmere‐altye‐arlke. Apmerrke areye kwenhe akaltye‐irretyeke nthakenhe English angketyeke, read‐eme‐iletyeke, intelhetyeke‐arlke. Apmerrke areye apeke akaltye‐irretyeke Akngerrepate arrwekelenye areye‐ke, arne mwerre areye itne‐arle mpware‐warretyarte, kele itne anteme itnenhe ingkentetyeke. Artwe akaperte altywere‐areye role models anwernekenhe aneme. 1930's‐nge‐ntyele governments‐le laws mpwareke arritnye Assimilation Policy. Yanhe‐iperre, atningke areye uye‐akaltye‐irreke urrperle‐kenhe arne areye‐kenhe‐ke. Alhentere areye‐le anamelhe‐ileke arrpenheme apmere itnekenhe‐nge‐ntyele bungalow‐atheke, ayerrere‐werne atheke, antekerre‐arlke. Assimilation Policys‐nge ularre, tyerrtye atningke angkentye‐ke uye akaltye‐irreke, apmere‐akerte, apmere‐ke‐artweye‐ke, kwertengwerle‐ke, laws anwernekenhe‐arlke. Lhentere arrpenheme ahentye‐aneke akaltye‐irretyeke Tywerrenge‐ke. Arne arrpenheme‐ke itne‐arle akaltye‐irreke artwe‐kenhe‐ante, kenhe arrpenhe akenhe ingkirreke‐ke. Arne nhenhe areye museums‐uthene‐le organisations arrpenhe areye uthene‐le akwete atnyeneme. Alhentere areye‐le itnenhe akeme “archives.” Itnekenge‐ntyele anwerne apmerrke areye akaltye‐le‐anthetyeke, nthakenhe arrwekelenye anwernekenhe anirntyeke‐arteke. Kele, the pipe nhenhe intelhe‐ileke apmerrke itnenhe alpeme‐iletyeke rlterrke‐irrirtnetyeke.
Subject
Biological Psychiatry,Psychiatry and Mental health,Pshychiatric Mental Health