“O leito” de Nacho Taibo. Autonomía, temor e desexo ucrónicos

Abstract

Neste artigo propoñémonos examinar os retos clasifi catorios que formulan as ucronías ou historias alternativas, como subxénero da ficción científica, partindo da análise de “O leito”. Esta obra escrita por Nacho Taibo foi un dos relatos breves máis relevantes da lingua galega no posfranquismo. Ao mesmo tempo, refl exionaremos sobre o rol da práctica contrafactual dentro da disciplina da Historia, ademais do uso concreto que esta categoría ten dentro das culturas minorizadas e nos contextos de adversidade e resistencia política, características que poden identificarse na cultura galega de 1976.