ÖLKƏLƏR ÜZRƏ İNNOVASİYA VƏ STARTAP EKOSİSTEMLƏRİNİN MÜQAYİSƏLİ ŞƏKİLDƏ ANALİZİ

Abstract

İnnovasiyalar şirkətin bugünkü bazarda uğur qazanması üçün ilkin şərt olmaqla yanaşı, digər biznes bölmələri ilə rəqabət aparmağın əsas yoludur. İndiki vaxtda əksər şirkətlər təkbaşına hərəkət etməyi deyil, unikal dəyər yaratmaq və daha çox gəlir əldə etmək üçün rəqibləri və tərəfdaşları ilə əməkdaşlıq etməyi üstün tuturlar. Buna görə də, son bir neçə ildə şirkətlər arasında müəyyən növ münasibətlərin təşkili tendensiyası müşahidə olunur. Bu cür əlaqələrin startapların fəaliyyətinə xüsusi təsiri vardır. Şirkətlər arasında xüsusi qarşılıqlı əlaqələr təkcə innovativ məhsullar yaratmağa deyil, həm də onların inkişafını sürətləndirmək üçün startaplara imkan yaradır. İnnovasiya yüksək səviyyəli universitetləri və tədqiqat institutlarını, kifayət qədər maliyyə və yerli bazarı, ixtisaslı işçi qüvvəsini, ixtisaslaşmanı, şirkətlər və qlobal şəbəkələr arasında əməkdaşlığı ehtiva edən fərqli ekosistem tələb edir. Startap qısa əməliyyat tarixi olan layihə və ya şirkətdir. İngilis dilindən tərcümədə startap prosesin başlanğıcı (start) mənasını verməsinə baxmayaraq, bu yaxınlarda açılmış hər kommersiya layihəsini start pom adlandırmaq olmaz. Sıfırdan başlayan biznes layihələrinin yalnız kiçik bir hissəsi bu tərifin altına düşür. Ekosistem startaplardan investorlara qədər daha şəffaf ünsiyyət yarada və daha geniş investisiya bazarları üçün müvafiq imkanlar və faydalı məlumatlar barədə məlumatlılığı artıra bilər. Müvəffəqiyyətin başqa bir göstəricisi dövlət vençur kapitalistləri tərəfindən nə qədər startap və innovasiyanın maliyyələşdirilməsi (dövlətə qarşı) və onlar maliyyələşdirildikdən sonra nə qədərinin dövlətdə qalması ola bilər. Məqalədə ölkələr üzrə innovasiya və startap ekosistemlərinin müqayisəli təhlili verilmişdir. Açar sözlər: qlobal innovasiya indeksi, ekosistem, investisiya, vençur kapitalı, biznes sektoru