Istadong kagamitang pampagkatuto sa asignaturang Filipino ng mga mag–aaral sa mataas na paaralan ng Capual, Omar, Sulu

Abstract

Ang Istadong Kagamitang pampagkatuto ay isang pag-aaral na sinuri sa Mataas na Paaralan ng Capual 2023-2024. Ito ay tumutukoy din sa demograpikong propayl ng mga mag-aaral bilang respondante ayon sa kanilang edad, kasarian, kurso, buwanang kita ng mga magulang, at natapos ng mga magulang. Sinuri din nito ang istadong kagamitan pampagkatuto sa asignaturang Filipino ng mga mag –aaral sa Mataas na Paaralan ng Capual, Omar, Sulu, ayon sa dahilan ng pagkatuto, epekto ng pagkatuto sa mga mag – aaral, kagamitan ng pagkatuto sa mga mag – aaral, at solusyon ng kakulangan ng mga mag –aaral. Sinuri din ng pananaliksik na ito kung may pagkakaiba ayon sa kadahilanan ng kagamitan pampagkatuto sa asignaturang Filipino ng mga mag –aaral sa Matas na Paaralan ng Capual, Omar, Sulu, at kung may mahalaga bang pag – uugnayan sa mga dahilan at epekto ng pagkatuto sa solusyon ng kakulangan. Ang pananaliksik ay isang quantitative research at ginanap sa Mataas na Paaralan ng Capual, Omar, Sulu. Ang respondante ng pananakiksik ay angbisang daang estudyante ng paaralan na kinabibilangan ng Grade 7 hanggang Grade 10. Random sampling ang istratehiyang ginamit sa pagpili ng mga respondante. Ang mga respondante ay hindi sumasang – ayon sa dahilan ng pagkatuto, epekto ng pagkatuto, at kakulangan sa kagamitan pampagkatuto. Ngunit sila ay lubos na sumasang – ayon sa solusyon sa kakulangan sa kagamitan pampagkatuto. May mataas na pag – uugnayan sa dahilan ng pagkatuto, kakulangan sa kagamitang pampagkatuto, at solusyon sa kakulangan sa kagamitang pampagkatuto. May katamtamang kaugnayan sa epekto ng pagkatuto sa asignaturang Filipino.