TOSHKENT SHAHRIDA ERTA YOSHLI BOLALARNING O‘LIM SABABLARI TAHLILI

Abstract

Go‘daklar o‘limi aholi salomatligining asosiy ko‘rsatkichlaridan biri hisoblanib, mamlakatning ijtimoiy iqtisodiy taraqqiyoti, aholi sanitariya - demografiya holati, tibbiy xizmat sifati, sanitariya - epidemiologiya, profilaktika va davolash ishlarining samaradorligini ko‘rsatadigan o‘ziga xos indikator deb qabul qilinadi. Tadqiqot ishining maqsadi. Uch yoshgacha bo‘lgan bolalar o‘limining   yosh –jins jihatdan  tahlil qilish. Material va tadqiqot  usullari. Toshkent shahrida 2017-2019 yillarda 3 yoshgacha o‘lgan (jami 2041ta) bolalarni yoppasiga kuzatish orqali o‘rganildi. Bolalar o‘limi sabablarini chuqurroq o‘rganish uchun  Jaxon sog‘liqni saqlash tashkiloti qabul qilgan va 10-qayta ko‘rilgan kasalliklar halqaro klassifikatsiyasida (2004)  qayd etilgan quyidagi yosh guruhlarini tanlab oldik va bolalar o‘limi ko‘rsatkichlarini ularga mos holda hisoblab chiqib, tahlil qildik: erta neonatal davr (hayotining 0-6 kuni); kechki neonatal  (7-28 kun); posneonatal (29-365 kunlik); emizikli davr (go‘daklik, chaqaloqlik davri) (0-1yil); erta bolalik davri (hayotining 12-35 oylari).  Olingan natijalar. Go‘daklar o‘limi sabablarida asosan bir nechta sinf kasalliklari ustunlik qilmoqda. 1 yoshgacha bo‘lgan bolalar o‘limi sabablarida nafas olish a’zolari kasalliklari (30,3%), perinatal davridagi aloxida xolatlar (29,8%) va tug‘ma anomaliyalarning(26,5%) salmog‘i katta. Muhokama. Bir yoshgacha bo‘lgan bolalar o‘limi hozirgi davrning birinchi navbatdagi ijtimoiy masalalaridan biri bo‘lib hisoblanadi, chunki u 5 yoshgacha bo‘lgan bolalar o‘limining 89,3%ni, 14 yoshgacha bo‘lgan bolalar o‘limining 78,5%ni, umumiy aholi o‘limining 4,5%ni tashkil qiladi va aholining o‘rtacha umr ko‘rish darajasining keskin kamayishiga olib keladi. Xulosa. Go‘daklar o‘limi kattaliklariga bolaning yoshi kuchli ta’sir qiladi, ya’ni yosh qanchalik kichik bo‘lsa, ko‘rsatkich shunchalik yuqori bo‘ladi. Neonatal va postneonatal davrlaridagi o‘lim ko‘rsatkichlari keskin bir - biridan farq qildi.