Tipologjitë e produktit kulturor televiziv dhe roli I gazetarëve të kulturës në televizion

Abstract

Kur gazetaria kulturore konsiderohet në të gjithë spektrin e saj jo vetëm si paraqitëse e informacionit, por si ndërtuese e proceseve të komunikimit, formimit identitar kulturor si edhe ndikuese në zhvillimin e mendimit dhe diskursit kulturor, produkti televiziv i kësaj gazetarie merr një rëndësi të veçantë pikërisht për shkak të aftësisë së tij për të mbërritur në një numër të gjerë publiku. Por si formohen produktet e kësaj gazetarie në median publike që ka si synim të vetin edhe elementin edukativ dhe përfaqësues identitar? A ka një koncept e strukturë pas ofertës programore të tyre? A përdorin institucionet mediatike një strukturim metodik edhe në përdorimin e këtyre produkteve në hapësirat e rrjetit dhe çfarë njohurish e metodash aplikon ai për këtë hapësirë. A ka një ndërgjegjësim metodik edhe mbi funksionin e potencialin ndikues të produkti te vetë prodhuesit dhe mendimi drejtues i këtij televizioni?