RƏQƏMSALLAŞMA ŞƏRAITINDƏ MALIYYƏ XIDMƏTLƏRININ MÜASIR DURUMU

Abstract

Maliyyə sektorunun rəqəmsallaşması müasir dünya iqtisadiyyatının inkişafının ayrılmaz xüsusiyyətidir. Maliyyə bazarı subyektlərinin uğurlu və rəqabətqabiliyyətli olması üçün qabaqcıl texnologiyaların tətbiqi sahəsində qlobal tendensiyaları izləmək və “rəqəmsal” olmaq lazımdır. Bu vəzifənin yerinə yetirilməsi müasir dünyanın çağırışlarına cavab vermək üçün ənənəvi biznes modellərinin transformasiyasını müəyyən edir. Kredit təşkilatları, sığorta şirkətləri və digər institusional investorlar rəqəmsal texnologiyaların təsiri altında fəaliyyətlərini təkmilləşdirməkdə mühüm dəyişikliklər edirlər. Maliyyə sektorunun rəqəmsallaşdırılmasında müasir cəmiyyətin inkişafında təkamül mərhələsinə nəzər yetirilməsi vacib problemdir. Eyni zamanda vurğulanmalıdır ki, bu prosesin əsasını maliyyə texnologiyaları sənayesinin nailiyyətlərinin maliyyə münasibətlərinə fəal şəkildə daxil edilməsi təşkil edir. Bu cəhətdən məqalədə rəqəmsallaşma şəraitində maliyyə xidmətlərinin mövcud vəziyyətinin təhlili və qiymətləndirilməsi aparılmışdır. Rəqəmsal maliyyə xidmətlərinin icra edilməsində bank və siğorta şirkətlərinin fəaliyyəti tədqiqata cəlb edilmişdir. Ümumilikdə götürsək, rəqəmsal ödənişlər, rəqəmsal kreditləşmə və rəqəmsal pul köçürmələri son illərdə artmışdır. Rəqəmsal ödənişlər rəqəmsal kanallar vasitəsilə həyata keçirilən nağdsız əməliyyatlardır. Bunlara rəqəmsal ticarət və mobil satış nöqtəsi (POS) ödənişləri daxildir. Açar sözlər: qiymətli kağızlar bazarı, rəqəmsal maliyyə, bank, elektron ticarət, sığorta.