DƏNIZ TEXNOLOJI PLATFORMALARINDA QAZ-KONDENSAT QUYULARININ MƏHSULUNUN OPTIMAL HAZIRLANMASI ÜSULLARIN TƏHLILI

Abstract

Məqalədə verilən məlumatlarda dəniz qaz kondensat yataqlarının işlənməsi vaxtı çoxfazalı quyu məhsulları boru kəmərləri ilə qurudakı qaz emalı qurğularına nəql olunma prosesi haqqında məlumat verilib. Qeyd etmək lazımdır ki, çoxfazalı mayelərin daşınmasında əsas texnoloji məhdudiyyət boru kəmərində əhəmiyyətli həcmdə maye fazanın yığılma prosesi ilə bağlı olur. Tədqiqatlarda verilən məlumatlarda maye yığılması kəmər boyunca tıxacların yaranması ilə nəticələnir ki, bu da nəql rejiminin pozulması ilə nəticələnir. Qaz kəmərindəki termobarik şərait qazın tərkibi, mövsümü, boru kəmərinin vəziyyəti, onun yükü və digər amillərlə müəyyən edilir. Məqalədə qaz kondensat quyularının məhsulunun hazırlıq variant və digər məlumatlar müzakirə olunur. Karbohidrogenlər vasitəsi ilə birfazalı daşınmanın təmin edilməsi probleminin alternativ həlli müəyyən edilmişdir. Qazın hazırlanma prosesi qabaqcadan soyutma ilə bir mərhələli ayırma boru kəmərinin boşluğunda karbohidrogen və sulu fazaların buraxılmasına gətirib çıxarır, demək olar ki, bütün boru kəməri hidrat rejimində keçir, Bu da hidrat əmələ gəlmə prosesi inhibitorunun, yaxud monoetilenqlikolun daimi kəmərə vürülmasını tələb olunur. Hazırlanma üsulundan asılı olaraq, sahilə daşınan axın C5+ karbohidrogenlərinin fərqli tərkibinə malik olacaqdır. Tədqiqatlar da verilən məlumatlarda dənizdə yığım sistemində olan problem, axının çoxfazalılğı və çoxkomponentliliyi ilə bağlı olur. Açar sözlər: karbohidrogenlər, multifazalılıq, quyu məhsulu qazın nəqlə hazırlanması, adsorbsiya, separasiya, qazın nəqli, qazın qurudulması.